Bad Religion

Bad Religion
Datos
Tipu	grupo de punk (es)
Xéneru	punk rock, hardcore melódico (es) y hardcore punk
Sellu discográficu	Epitaph Records Atlantic Records
País	Estaos Xuníos
Orixinarios de	Valle de San Fernando
Fecha fundación	1980
Web oficial

Bad Religion ye una banda de punk rock d'Estaos Xuníos fundada en 1979 nel sur de California por Greg Graffin (voz), Jay Bentley (baxu), Jay Ziskrout (batería) y Brett Gurewitz (guitarra), a la que se-y axudica emponer el resurdimientu del punk rock nel mainstream, según influyir a lo llargo de la so trayeutoria a un gran númberu de músicos del punk y del rock.

La banda cuntó con distintes alliniaciones a lo llargo de les sos 38 años d'esistencia, siendo Graffin l'únicu miembru que foi constante; sicasí, la banda cunta nel sieglu XXI con trés de los sos miembros orixinales: Greg Graffin, Brett Gurewitz y Jay Bentley.

Llanzó dieciséis álbumes d'estudiu, dos EP, trés álbumes compilatorios, un álbum en direutu y trés DVD. El so álbum Suffer foi valoráu por dellos críticos como l'álbum de punk rock más relevante de tolos tiempos, anque nunca tuvo un puestu na llista de popularidá la Billboard. En 1993 la banda algamó un puestu de cartelera col so álbum Recipe for Hate, esi acontecimientos dio-yos fama mientres-yos aseguró'l puestu númberu 14 de la llista Heatseekers de la Billboard d'esi añu. El so mayor ésitu vieno con Stranger than Fiction el primer álbum col que consiguieron el discu d'oru n'Estaos Xuníos, esprendiéndose d'él reconocíos singles como «21st Century (Digital Boy)» y «Infected». La banda caltúvose collechando ésitos de manera más discreta na so nueva discográfica, Warner, ensin Brett Gurewitz, quien se retirara en 1994 por motivos personales. El 2001 foi un añu importante pa la banda yá que marcó la vuelta de Gurewitz y el regresu de Bad Religion a Epitaph, discográfica de música independiente de la cual ye'l dueñu. Dende esti «renacer» pa la banda, caltúvose cola mesma alliniación mientres más de diez años siguíos y cinco álbumes.

Son conocíos particularmente pol so sofisticáu usu del estilu, metáfora, vocabulariu, usu d'iconos y harmoníes vocales (los denominaos pela banda como oozin' aahs); esto últimu consagrándolos como pioneros del naciente hardcore melódicu. Les sos lletres suelen ser reflexives en redol a sentimientos personales, ideoloxíes de vida y responsabilidá social.